Një ngjarje e rëndë ka ndodhur në Fushë Krujë, ku një i ri është gjetur i pajetë. Viktima është identifikuar si Indrit Ndoji, i cili është gjetur nga familja në një kanal pranë shtëpisë në lagjen “Bakishe Visha” mëngjesin e sotëm.
Dyshimet e para janë se mund të jetë vrarë diku tjetër dhe të jetë hedhur pranë shtëpisë. Familjarët u shprehën se e gjetën trupin e pajetë duke shkuar për në punë. Indriti dhe familja e tij nuk raportohet të kenë konflikte me njeri.
NJOFTIMI I POLICISË:
Fushë Krujë/Informacion paraprak
Rreth orës 08:20, në lagjen “Bakishe Visha”, Fushë Krujë, në një rrugë dytësore është gjetur i pajetë shtetasi I. N., 34 vjeç, banues ne fshatin Hasan, Krujë.
Nga këqyrja paraprake, është konstatuar se 34-vjeçari ka një dëmtim në këmbë që dyshohet të jetë shkaktuar nga armë zjarri.
Në vendin e ngjarjes ndodhet grupi hetimor dhe nën drejtimin e Prokurorisë pranë Gjykatës së Rrethit Gjyqësor Krujë vijon puna për sqarimin e rrethanave të ngjarjes.